Firmos edhe ti

Firmos edhe ti

Vehcani është  fshati nën hijen e malit ku vizitorët duan të  kalojnë  disa ditë , ndërsa banorët e mbetur kanë  vetëm njëëndërr, të  largohen. Kjo për arsye se rruga kryesore në fshat ka kohë që nuk ka marrë vëmendje nga organet kopetente dhe gjendja është për të ardhur keq. Një problem sa komunitar aq edhe shoqëror, i cili ka vite që ka mbeturpeng i referateve dhe fjalëve. 

Ky fshat prodhimtar ku puna e trashëguar e ka identifikuar ndër vite, sot po braktiset, pasi askush nuk do të  jetojënë  një  fshat ku rruga izolohet me shirat e para të  stinës, e ku prodhimet organike kalben si pasojë e mungesës së  tregut. 

Rruga është baza mbi të cilën ndërtohet jetesa e gjithësecilit prej nesh. 
-Duke pasur parasysh edhe dinamikat e vazhdueshme që ka pësuar vendi ynë për shkak të pandemisë, të mendojmë më të keqen : (Si ta menaxhojmë një urgjencë shëndetësore në mesnatë, nëse rruga vazhdon të mbetet e tillë? Edhe ambulanca e qytetit nuk e merr iniciativen të përshkojë 5 km rrugë të parikonstruktuar.

Mungesa e rikonstruktimit të saj vijon me pasoja si më poshtë: 
-Mbyllja e qëndrës shëndetësore  
-Arsimim i reduktuar 
-Vështirësi në transportin e mallrave që pasohet me kosto më të lartë të biletës.
- Pakesimi i automjeteve transportuese etj

Nga të gjitha këto arsye që janë në opozitë me njëra-tjetrën: Ne, banorët e fshatit Vehcan të rrethit të Librazhdit i bëjmë kërkesë Bashkisë të mundësojë  ndërhyrjen e organeve kopetente për rikonstruktimin e rrugës. 
Do t’ju luteshim që paralel me projektet artistike për të kënaqur estetikisht qytetarët , të mendonit edhe për gjendjen e zonave rurale. Kjo situatë e cila nuk ka gjetur zgjidhje ndër vite po ushqen brezat pasardhës me idenë se e vetmja mënyrë shpëtimi është braktisja e vendlindjes.: Ne kërkojmë nisjen e menjëhershme të rikonstruksionit para fillimit të sezonit zgjedhor 2021 .

Details